നോക്കുമ്പോള്‍
നോക്കില്ല.
മിണ്ടുമ്പോള്‍
മിണ്ടില്ല.
എഴുന്നേറ്റു പോയാല്‍
ഞാനിരുന്നെടത്തു വന്ന്
അവളിരിയ്ക്കും.
കുടിച്ചു വെച്ച ചായ ഗ്ലാസില്‍
ആരും കാണാതെ ഉമ്മ വെയ്ക്കും.
കുത്തിക്കുറിച്ചിട്ട കടലാസില്‍
അവളെ തിരയും.
സ്വയം ചോദിക്കും
ഇനിയെപ്പോള്‍ വരുമെന്ന്...?
വന്നാല്‍,
അവളെന്നെ
കണ്ടതായേ
നടിയ്ക്കില്ല.
എന്തേലും ചോദിച്ചാല്‍
മറുപടി പറയാതെ,
മുടി മെടഞ്ഞു മെടഞ്ഞങ്ങനെ
ഇഴയടുപ്പിക്കാന്‍ നോക്കും.
അവളുടെ കയ്യില്‍ നിന്നും
തെറിച്ചു പോയ
റബ്ബര്‍ ബാന്റു പോലെ
അരികിലെങ്ങോ
അവള്‍ കണ്ടെത്തുന്നതും കാത്ത്
ഞാനപ്പോഴും...!
No comments:
Post a Comment