തീവ്ര വാദി

ഉമ്മയുടെ

ഓട്ട ഹൃദയത്തിന്
ഓപ്പറേഷന്‍ നടത്തി...


മയ്യത്തായ
ഉപ്പയുടെ ആഗ്രഹം പോലെ,
ബ്ലാക്കില്‍ ടിക്കറ്റെടുത്

വല്ല്യുമ്മയെ
ഹജ്ജിനയച്ചു...!!!



പെങ്ങളെ കഷ്ടപ്പെട്ട്കെട്ടിച്ചയച്ചു...
(പാതിരാ വരെ "വയള്" കേട്ടാലും

നൂറും "ഡാഷും"ഉണ്ടായാലും

ഒരു ലക്ഷോം കൂടി ഇല്ലെങ്കില്‍ഒരു തെണ്ടിയും

കൊണ്ടു പോവില്ലല്ലോ...???)


പള്‍സര്‍ ബൈക്കെടുത്തു...
നോക്കിയാ എന്‍ 70 തന്നെ വാങ്ങി.
ജിവിതം മൊത്തമായും

"പിടിച്ചു"വരുമ്പോഴേക്കും
"ട്ടോ"...!!!

കരച്ചില് പോലൊരു

പൊട്ടിച്ചിരിയും കൊണ്ട്,
പണ്ട് ലുങ്കിയും മാക്സിയും ചുരിദാര്‍ പീസും

അടിപ്പാവാടയും

വിറ്റ് നടന്നിരുന്നവന്‍,
മഞ്ഞിലേക്ക് ചാഞ്ഞ്

പിറന്ന നാടിനെ നോക്കി

മരവിച്ച ചുണ്ടിലൊരു പാട്ട് കോര്‍ത്തു...


"നാളി കേരത്തിന്റെ നാട്ടിലെനിക്കൊരു

നാഴിയിടങ്ങഴി മണ്ണുണ്ട്"...!!!


പാട്ട്

അതിര്‍ത്തിയില്‍ കുരുങ്ങി

ക്ലിയരന്‍സിനായി
കാത്തു കിടന്നു...!!!