അകമേ ബോധമുള്ളവര്‍
പുറമേ ബോധമില്ലാത്തവരായി
നടിക്കേണ്ടി വരുന്നത്
ഒരു രോഗമല്ല;കടിനമായ ദുര്യോഗമാണ്‌.
പരാജിതനായ കാമുകനും വിപ്ലവകാരിക്കും
കുടുംബനാഥനുമൊക്കെ
ഈ രോഗം ഒരനുഗ്രഹമാണ്‌.
അവളെ മാത്രം കണ്ടിരുന്ന അകക്കണ്ണ്‍കളില്‍
അവളുടെ ഒരു കാക്കാപ്പുള്ളിപോലും
കടന്നു വരാതെ സൂക്ഷിക്കേണ്ടത്
എത്ര ശ്രമകരമാണ്...?
തൊണ്ട പൊട്ടി വിളിച്ച മുദ്രാവാക്ക്യങ്ങള്‍
ഒരു എക്കിളായെങ്കിലും
പുറത്തേക്ക് വരുമ്പോള്‍
അകത്തേക്ക് വലിച്ചു പിടിക്കേണ്ടി വരുന്നത്
എത്ര വലിയ പിന്‍ മടക്കമാണ്...?
ഓരോ മൂലയിലെയും മാറാല
താന്‍ മാത്രം തട്ടിയിരുന്ന വീട്ടില്‍
കൊള്ളപ്പലിശക്കാര്‍ വലിയ വല വിരിച്ച്
ഇണയെപ്പോലും ഇരയാക്കുന്നത് കാണുമ്പോള്‍
കണ്ണടച്ചിരിക്കേണ്ടി വരുന്നത്
ജീവിക്കാനുള്ള കൊതി കൊണ്ടല്ല,
മരിക്കുവാനുള്ള പേടി കൊണ്ടാണെന്ന്
തുറന്നു പറയേണ്ടി വരുന്നത്
എത്ര മാത്രം സങ്കടകരമാണ്...?
അല്ഷിമേഴ്സ് ഒരു രോഗമല്ല;
നിസ്സഹായമായ അവസ്ഥകളില്‍
അകം വലിയാനുള്ള ഒരുപാധിയാണ്‌...!
പരാജിതനായ കാമുകനും വിപ്ലവകാരിക്കും
ReplyDeleteകുടുംബനാഥനുമൊക്കെ
ഈ രോഗം ഒരനുഗ്രഹമാണ്‌.